Un puemu : ZIGHINU

Mi chjamanu zighinu
Sò felice
Di saltà
In lu chjostru

Incù i mio cucini

Cantendu
« bellu zi, bellu
zighizon » !
Ma spessu, mi
dumandu :
Chì serà lu mio avvene ?
Diventeraghju un
caprettu
Per esse cucinatu
A la stretta
Una sera di Natale ?
O mi lasceranu
ingrendà
Pè diventà un beccu
barbutu
Arditu è fieru
Da e sciocche riferitu
È curatu da u pastore ?
Ma, scartatu di a banda
Tempu passatu l’ardore
Serà megliu d’esse
castratu
È di cunduce le capre
Sbattulendu la tintenna
Da la mandria à le
zenne ?
Difficiule mi pare
a scelta
Per u mio caru
capraghju !